நம் காலத்து நாயகன்

மிகாயில் லேர்மன்தவின் நம் காலத்து நாயகன் எதிர்நாயகன் ( Antihero) மீது ஏற்படும் தனித்துவமான ஈர்ப்பைத் தெளிவாக வெளிப்படுத்துகிறது.  1840ஆம் ஆண்டு வெளியிடப்பட்ட இந்த நாவல், காகசஸ் பிரதேசத்தில் பயணம் மேற்கொள்ளும் இராணுவ அதிகாரியான பிச்சோரின் எதிர்கொள்ளும் தொடர்ச்சியான சாகசங்களை விவரிக்கிறது.

 செர்கேசிய இனக்குழுத் தலைவனின்  மகளான பேலாவைக் கடத்துகிறான். கடத்தல் தொழிலில் ஈடுபட்டவர்களுடன் தொடர்பு கொள்கிறான். அதேவேளை, மாஸ்கோவைச் சேர்ந்த ஒரு இளவரசியின் அன்பைப் பெறுவதற்கான திட்டங்களைத் தீட்டுகிறான்; அத்துடன், தனது முன்னாள் காதலியான வேராவுடனும் காதல் உறவில் ஈடுபடுகிறான். இறுதியில், அவனது சூழ்ச்சிகளும் சதித்திட்டங்களும் சக இராணுவ அதிகாரி ஒருவருடனான துப்பாக்கிச் சண்டையில் உச்சக்கட்டத்தை அடைகிறது. 

லெர்மன்தோவின் இந்த நாவல் இன்றும் நம்மிடம் எதிரொலிக்கிறது; ஏனெனில், அது இன்றைய பல்வேறு கவலைகளையும் பிரச்சினைகளையும் முன்கூட்டியே சுட்டிக்காட்டுகிறது. மத்திய ஆசியாவில் ரஷ்யா எதிர்கொண்ட பிரச்சினைகள் அன்றும் எளிதில் தீர்க்க முடியாதவையாக இருந்தன; இன்றும் அவை அவ்வாறே தொடர்கின்றன. சமூகத்தில் தமக்கென ஓர் இடத்தைக் காண முடியாமல், “தேவையற்ற மனிதன்” (Superfluous Man) என்ற நிலையில் வெளிப்படும் விதிவாத மனப்பான்மை, பின்னாளில் உருவான நவீனப் புரட்சிகரப் பயங்கரவாதத்தின் அழிவுநோக்கிய மறுப்புவாதத்திற்கு முன்னோடியாக அமைந்தது. குறிப்பாக, ஆண்களுக்கும் பெண்களுக்கும் இடையிலான உறவுகளில் நிகழும் குளிர்ச்சியான சூழ்ச்சிகளும் கணக்கிட்ட செயல்பாடுகளும் மிகவும் அழுத்தமாகச் சித்தரிக்கப்படுகின்றன. அந்த உறவுகளில், ஒருவர் மற்றொருவரின் உள்ளத்தை முழுமையாகப் புரிந்துகொள்ள முடியாத புதிராகவே எப்போதும் இருந்து விடுகிறார்கள்.

 விவரிக்கின்றன.